काठमाण्डौको बागबजारबाट सशस्त्र प्रहरीले हतियारसहित आज बिहान दुई जनालाई पक्राउ गरेको छ । पक्राउ पर्नेमा महेन्द्रनगर ८ घर भई सामाखुसी बस्ने ३२ बर्षका सागर थापा र रौतहट रंगपुर घर भइ बागबजार बस्ने २८ बर्षका युवराज तिमिल्सिना रहेको प्रहरीले जनाएको छ । उनीहरुको साथबाट लोड गरिएको नाईन एमएम इटालियन पेस्तोल, खाली एक थान पेस्तोल र म्यागेजिन बरामद भएको छ । पछिल्लो दिनमा सशस्त्र प्रहरीले राजधानीमा विशेष सुरक्षा टोली परिचालन गरेको छ ।