विराटनगर, ३० भदौ । विदेश जाने विद्यार्थीलाई लक्षित गर्दै शैक्षिक परामर्श सेवा प्रदान गर्दै आएको अल्फाबिटाले पूर्वको तीन सहरमा शैक्षिक मेला गर्ने भएको छ । ‘अल्फाबिटा स्टडी एब्रोड क्यारियर फेयर २०१८’ नाम दिएको शैक्षिक मेला विराटनगर, धरान र इटहरीमा गर्ने गर्ने तयारी भएको हो । अल्फाबिटाले विराटनगरमा शनिबार पत्रकार सम्मेलन गरी आइतबार धरान, सोमबार विराटनगर स्थित नमस्कार होटल र मंगलबार इटहरीमा शैीषक मेला गर्ने जानकारी दिएको हो ।
अल्फाबिटा कन्सल्टेन्सी विराटनगरका प्रबन्धक टिका ढकालले फेयरमा अस्टेलिया, अमेरिका, युरोप र भारतका विश्वविद्यालय तथा कलेजका प्रतिनिधिहरुले उच्च शिक्षाकालागि बिदेश जान चाहाने विद्यार्थीहरुलाई जानकारी गराउने बताए ।
२० वटा स्टल राखिएको फेयरमा अष्टे«लियाबाट मात्र १४ वटा कलेज तथा युनिभर्सिटीका प्रतिनिधीहरु आउने उनले जानकारी दिए । विराटनगरमा सोमबार हुन लागेको फेयरमा ५ सय बढी विद्यार्थीहरुले अवलोकन गर्ने सक्ने अल्फविटाले जनाएको छ ।
