बिराटनगर असोज ४ , बिद्यालयस्तरमा अध्ययनरत छात्रछात्राहरुको नेतृत्व तथा व्यक्तित्व विकास गराई आत्मविश्वास बनाउने उदेस्यका साथ सेकेण्ड सिजनको "रमपम बिराटनगर लिटल आईकन २०१८" को फिनाले असोज ६ गते हुने भएको छ । बिराटनगरको बिरेन्द्र सभा गृहमा फिनाले हुने आयोजकले जनाएको छ ।
भाइरल डान्स स्टुडियोको आयोजनामा हुनलागेको कार्यक्रममा सहभागीहरुलाई करिब ३ साता सम्मको तालिम पस्चात फाईनल गराउन लागिएको हो ।
विभिन्न स्कुलबाट छानिएका ७ जना छात्र १२ जना छात्राले फाईनल राउण्डमा आफ्नो क्षमता प्रदर्शन गर्नेछन् । प्रतियोगितामा ११ बर्षदेखि १५ बर्ष सम्मका कक्षा ६ देखि १० सम्मका विद्यार्थीले सहभागीता जनाएका थिए । विजेतालाई नगद पुरस्कारको साथमा आर्कषक पुस्कार प्रदान गरिने आयोजकले जनाएको छ ।
