विराटनगर, ५ असाेज । मोरङको बेलबारी नगरपालिका-१० डाँगीहाटमा टिपरले मोटरसाईकललाई ठक्कर दिँदा १ जना घाइते भएका छन । दक्षिणबाट उत्तर तर्फ जाँदै गरेको को ३० प ८७५० नम्बरको मोटरसाईकललाई पश्चिमबाट पूर्व तर्फ जाँदै गरेको को १ क २८५५ नम्बरको टिपरले ठक्कर दिएको थियो । ठक्करबाट मोटरसाईकल चालक सुन्दर-हरैँचा नगरपालिका-१० बस्ने बर्ष ३५ को रण बहादुर बस्नेत घाइते भई उपचारको लागि नोबेल अस्पताल बेलवारीमा उपचार भईरहेकाे छ । ठक्कर दिने टिपर र चालकलाई प्रहरीको नियन्त्रणमा राखिएको जिल्ला प्रहरी कार्यालय मोरङले जनाएको छ ।
