विराटनगर, ५ असोज । विराटनगर १५ स्थित हनुमान मन्दिर नजिक स्थानीयको शुक्रबार कुटपिटबाट एक जना सिटी रिक्सा चालक घाईते भएका छन् । कुटपिटबाट को १ ह ४२२१ नम्बरको सिटीरिक्सा चालक विराटनगर महानगरपालिका–१५ बस्ने बर्ष ३० को ईन्द्रदेब शाह घाईते भएको ईलाका प्रहरी कार्यालय रानीले जनाएको छ ।
दिउँसो भाडाको विषयमा विवाद हुँदा सिटीरिक्सामा सवार रहेका बिराटनगर महानगरपालिका १३ का १९ बर्षिय बिरेन्द्र कुमार महासेठ, बर्ष २५ को बिशाल महासेठ, बर्ष ४५ को बिजय महासेठ र बर्ष ३८ को राजेश शर्माले कुटपिट गरेका थिए । कुटपिटबाट घाईते चालकलाई उपचारको लागि न्यूरो अस्पताल विराटनगर ल्याईएको छ ।
कुटपिटमा संलग्न चारै जनालाई प्रहरीको नियन्त्रणमा राखिएको प्रहरीले जनाएको छ ।
