विराटनगर, २२ जेठ ।
विराटनगर, २२ जेठ । विश्व वातवरण दिवसको अवसर पारेर मारवाडी युवा मञ्च विराटनगरले वृक्षारोपण गरेको छ । मारवाडी युवा मञ्चले हाटखोला चोकस्थित गीता मन्दिरको प्राङ्गणमा बुधबार वृक्षारोपण गरेको हो ।
मन्दिर परिसरमा विभिन्न जातको विरूवाहरू रोपिएको मारवाडी युवा मञ्चका अध्यक्ष गोपाल अग्रवालले जानकारी दिए । कार्यक्रममा समाजसेवी बेनीगोपाल मुन्दडा, मागिलाल झवर, युवा मन्चका निवर्तमान अध्यक्ष शेरसिंह दुगड, पुर्व अध्यक्ष राजेश लखोटियाको उपस्थिती रहेको थियो ।
माक्स वितरण
यसैविच नेपाल अग्रवाल युवा मञ्च विराटनगरले वाताबरण दिवसमा सवारी चालकलाई मास्क वितरण गरेको हो । दिवसको अवसर पारेर विराटनगरको भाटभटेनी अगाडी हाईवेयमा संचालन हुने सवारी चालक र सहचालक मास्क वितरण गर्दै सरसफाई र वातावरणको बारेमा जानकारी दिईएको थियो ।
मञ्चले सडकमा कुद्ने बस, टेम्पो चालक, सिटी रिक्सा र सडकमा हिड्ने बटुवालाई मास्क वितरण गरिएको मंचका अध्यक्ष अभिषेक केडियाले जानकारी दिए । मंचले यस्ता कार्यक्रमहरु आगामी दिनलाई निरन्तर अगाडी बढाउदै लैजाने जनाएको छ ।
