विराटनगर, २५ जेठ । नेपालकै पुरानो उद्योगी व्यापारीहरुको संगठन मोरङ व्यापार सँघको नयाँ नेतृत्व चयनका लागि निर्वाचन सम्पन्न भएको छ । मतदानपछि शुक्रबार सम्पन्न मतपरिणाम अनुशार उद्योग, वाणिज्य, वस्तुगत र शाखा तर्फकै नतिजा आएको हो ।
३२ औं कार्यसमितिको निर्वाचन परिणाम अनुशार उद्योग तर्फ अनिल सारडा (२१४), अनुपम राठी (२१३), प्रकाश मुन्दडा (२१३) अमित सारडा (२१२), दिपेश सुवेदी (२१२), पवन राठी(२१०), सुनिल टिडेवाल (२१०) र आशिष जाजुले (२०३) मत प्राप्त गर्दै विजयी भएका छन् । ८ जनाको लागि ११ जनाको उम्मेदवारी परेको उद्योग क्षेत्रतर्फ धिरजराज पोखरेल १०, मेघराज सिग्देल १७ र सुकुमार सेन ६ मत ल्याउदै पराजित भएका छन् ।
यस्तै वाणिज्य क्षेत्रतर्फ मनिष कुमार मारु (२७९), विकास कुमार बेगवानी (२७८), नविन रिजाल (२७६), बिनित सिंघानिया (२७६), अनिल कुमार साह (२७५), देवाशिष गोल्छा( २७४, राजेशकुमार अग्रवाल (२७३) र शुशिल सुराना (२६३) विजयी भएका छन् । वाणिज्य तर्फ भने सुनिल बिरला (३४) र अरबिन्द शर्मा (२८) पराजित भएका छन् ।
बस्तुगत क्षेत्रतर्फ भने यसअघि नै सन्तनु रेग्मी र संजयकुमार श्रेष्ठ निर्विरोध भइसकेका छन् । यस्तै शाखा तर्फबाट नवराज चापागाई निर्विरोध निर्वाचित भएको निर्वाचन समितिले जनाएको छ ।
निर्वाचन अन्तिम मत परिणाम आएसँगै मोरङ व्यापार सँघको बरिष्ठ उपाध्यक्ष रहेका प्रकाश मुन्दडालाई अध्यक्ष बन्ने बाटो प्रशस्त भएको हो । अन्तिम परिणाम अनुशार मुन्दडाकै प्यानलले विजय प्राप्त गरेको हो ।
निर्वाचित १९ जनाको कार्यसमितिको पहिलो वैठकले नेतृत्वका लागि अध्यक्ष लगायतका पदाधिकारी चयन गर्ने प्रावधान संघको विधानमा छ । पदाधिकारी टुङ्खो लागेपछि अध्यक्षले बाँकी दुई जना सदस्य मनोनयन गर्ने प्रावधान छ ।
