विराटनगर २७ जेठ । जनजीवन आतंकित पार्ने गरी यस अघि ठाउँ–ठाउँमा बम राखेको घटनामा संलग्न भएको आशंकामा मोरङबाट एक जना विप्लव कार्यकर्तालाई प्रहरीले पक्राउ गरेको छ ।
मोरङको सुन्दरहरैंचा नगरपालिका–८ का ५३ वर्षीय रुद्र पौडेललाई विराटनगर महानगरपालिका–७ डाँफे चोकबाट पक्राउ गरिएको मोरङ प्रहरीका प्रवक्ता डीएसपी घनश्याम श्रेष्ठले बताए । पैदल हिंडिरहेको अवस्थामा आइतबारराति पौडेललाई पक्राउ गरेर प्रहरीले हिरासतमा राखेको हो । पक्राउ परेका पौडेल विरुद्ध अभद्र व्यवहार मुद्दा चलाउन सोमबार म्याद थप गरेर अनुसन्धान अघि बढाइएको डीएसपी श्रेष्ठको भनाइ छ ।
