विराटनगर, २७ जेठ ।
महेन्द्र मोरङ आदर्श बहुमुखी क्याम्पस विराटनगरमा विएस्सी तेस्रो बर्षमा अध्ययनरत फिजिक्स समूहका विद्यार्थीहरुले दोस्रो बर्षको परीक्षाफल त्रुटिपूर्ण भएको आरोप लगाएका छन् ।
दोस्रो बर्षको परीक्षामा विएस्सी फिजिक्स समूह अन्तर्गत मेजर गणित लिएर अध्ययनरत ५० जना विद्यार्थीमा २ जना मात्रै पास भएको र बाँकी ४८ जना विद्यार्थीहरुको १ देखि ५ नम्बर मात्र आएर फेल बनाईएको आरोप लगाएका हुन् ।
उनीहरुले रिटोटलिङका लागि आवेदन दिएपनि अहिलेसम्म नतिजा सार्वजनिक नभएको बताए ।
उत्कृष्ट विद्यार्थीको पनि ४, ५ नम्बर मात्र आएपछि उनीहरुले पुनर्मुल्याङ्कन आवेदन दिन गएको भएपनि त्रिभुवन बिश्वबिद्यालयले तर्साउने र दुख दिएको बिद्यार्थीको आरोप छ । अन्य बिषयमा राम्रो अंक आएका विद्यार्थीहरुले त्रिभुवन विश्वविद्यालयले अनावश्यक नियम राखेर आफूहरुको रिटोटलिङको नतिजा पनि नपठाएको र कपी पनि हेर्न नदिएको विद्यार्थी मनिषकमार साहले गुनासो गरे ।
यस्तै विद्यार्थीहरुले क्याम्पसमा यो बिषयमा ज्ञापनपत्र बुझाउँदा समेत वेवास्ता गरिएको विद्यार्थीले आरोप लगाउँदै आएका छन् ।
