सप्तरी जेठ ३० । सप्तरीको रुपनी गाउँपालिकाका इन्जिनियर विकास श्रेष्ठ १ लाख रुपैयाँ घुससहित पक्राउ परेका छन् ।
उनलाई अख्तियार दुरुपयोग अनुसन्धान आयोगको इटहरी स्थित सम्पर्क कार्यालयको टोलीले आज विहान घरबाटै पक्राउ गरेको हो ।
तत्कालीन जिल्ला विकास समितिको योजनाअनुसार रुपनी गाउँपालिका स्थित स्वर्ण खोलामा निर्माण गरिएको झोलुङ्गे पुल निमार्णको क्रममा श्रेष्ठले उपभोक्ता समितिबाट घुस लिएको अख्तियारले दाबी गरेको छ ।
श्रेष्ठ योजनाको मुख्य इन्जिनियरको रुपमा कार्यरत थिए ।
