विराटनगर ५ असार । बुधबार राती खुकुरी र रड बोकेर आफ्नै टोलका एक युवालाई काट्न पुगेका धरान ८ गैरी टोलका करिब ३० बर्षका उमेश राई पक्राउ परेका छन् ।
खुकुरी र रड बोकर गएका राईले सोही टोलका २८ बर्षीय मनोज भन्ने खिरबहादुर श्रेष्ठको घरमा पुगेर प्रहार गरेका थिए । खुकुरी प्रहारबाट श्रेष्ठको पिडौलामा लागेको थियो । खुकुरी प्रहारबाट श्रेष्ठ घाइते भएको खबर पाएपछि गएको प्रहरी टोलीले उमेशलाई खुकुरी र रडसहित नियन्त्रणमा लिएको थियो । घटनाबारे घाइते श्रेष्ठले प्रहरीमा अभद्र ब्यवहार सम्बन्धी मुद्दामा उजुरी दिएका छन् । पक्राउ परेका राईलाई म्याद थप गरी अनुसन्धानमा राखिएको इलाका प्रहरी कार्यालय धरानले जनाएको छ ।
