विराटनगर, २७ असार ।
सुनसरीको ईनरुवामा ११० घर डुवानमा परेका छन् । केहीदिन देखिको अबिरल बर्षाको कारण सुनसरी इनरुवा नगरपालिका ३ मुसरीटोलका एक सय घरहरु डुवानमा परेका हुन् । बर्षाको कारण दपिक्षा खोलामा आएको बाढी गाउँपस्दा एक सय घर डुवानमा परेको हो । त्यस्तै ईनरुवा नगरपालिका वडा नम्बर ८ को गैडाटोलको १० घर पानी पसेको छ । सुनसरी खोलाको पानी गाउँ पस्दा तत्काल बिस्थापित हुने अवस्थाले गर्दा उनीहरुलाई वडा कार्यालयले नजिकै रहेको बिद्यालयमा स्थानान्तरण गरेको छ ।
नगरपालिकाको कार्यालय र वडा कार्यालय तथा अन्य निकायहरुसंग समन्वय गरी उनीहरुलाई सुरक्षित स्थानमा सार्ने काम भईरहेको जिल्ला प्रहरी कार्यालयलाई उदृत गर्दै प्रदेश प्रहरी कार्यालय बिराटनगरले जनाएको छ।
