ईलाम, १७ साउन ।
एक नाबालिकालाई जवरजस्ती करणी गरेर फरार एक युवालाई इलाम प्रहरीले पक्राउ गरेको छ । इलाम नगरपालिकाकी एक नाबालिकालाई जबरजस्ती करणी गरी ६ बर्षदेखि फरार रहेका सचिन रसाईलीलाई प्रहरीले पक्राउ गरेको हो । इलाम चुलाचुली गाउँपालिकास्थित एक महिलासँग बसेका रसाइलीलाई पक्राउ गरी आजै जिल्ला अदालत इलामबाट कारागार चलान गरिएको जिल्ला प्रहरी कार्यालय इलामका सूचना अधिकारी हेमन्त भण्डारीले जानकारी दिए । २९ वर्षीय रसाइलीलाई इलाम जिल्ला अदालतले २०७४ कात्तिक ३० गते ९ बर्ष कैदको सजाय सुनाएको थियो ।
