सुनसरी, २३ साउन ।
सुनसरीको बराह नगरपालिका ६ र ९ स्थित कोशी आरक्षण क्षेत्रको मध्यवर्ती घाँसे जंगलमा ४४ वटा गाई गोरु मृत फेला परेका छन् । जंगलमा गाई गोरु मृत रहेको भन्ने खबर प्राप्त भए संगै प्रहरी चौकी भागलपुरबाट खटिएको प्रहरी टोलीले २८ वटा गाई र १६ वटा गोरु मृत अबस्थामा फेला पारेको जनाएको छ ।
ईलाका प्रहरी कार्यालय महेन्द्रनगर र जिल्ला प्रहरी कार्यालय सुनसरीबाट प्रहरी टोली तथा जिल्ला पशु सेवा केन्द्र ईनरुवाबाट पशु चिकित्सक सहितको टोलीले के कारणले यतिका पशु मरेका हुन् भन्ने बारमा खोजी भईरहेको प्रदेश प्रहरी कार्यालय बिराटनगरले जनाएको छ ।
