सोलुखुम्बु, २५ साउन ।
सोलुखुम्बुको सोलु दुधकुण्ड नगरपालिका ३ लोदिङ बस्ने बर्ष ४२ की मायाँ शेर्पा भालुको आक्रमणबाट घाईते भएकी छिन । शुक्रबार राती साढे ९ बजेको समयमा भालुले आक्रमण गरेको प्रहरीले जनाएको छ ।
आफ्नै मकैं बारीमा मकै रुङ्न बनाएको सानो टहरामा बसेर भालु धपाउन टिन बजाउने क्रममा बच्चा सहित आएको भालुले आक्रमण गरेको हो । उनी गम्भीर घाइते भएकी छिन् । उनलाई उपचारको लागि जिल्ला अस्पताल सोलुखुम्बु लगिएकोमा थप उपचारको लागि मिसन अस्पताल लगिएको जिल्ला प्रहरी कार्यालय सोलुखुम्बुले जनाएको छ ।
