विराटनगर । विराटनगर २ मा अवस्थित विद्यामार्ग टोलसंगठनले १९ लाख ६ हजार ९ सय ७ रुपैया मुनाफा कमाएको छ ।
विराटनगर २ स्थित आफ्नै कार्यलयमा भएको १९ औ बर्र्षिक साधारणसभामा प्रस्तुत गरेको प्रतिवेदनमा सो रकम मुनाफा गरेको उल्लेख गरिएको छ ।
२०५७ सालमा १ लाख ६५ हजार रुपैयाको अधिकृत पुजिबाट कारोबार सुरु गरेको संस्थाले हाल ६४ लाख रुपैया ऋण लगानी गरेको जनाएको छ । संस्थाको कुल पुँजी ९४ लाख रुपैयाँको कारोबार गरेको संस्थाका अध्यक्ष सुभाष कामतले बताए । महानगरमा संख्यात्मक रुपमा सबैभन्दा ठुलो रकमको कारोबार गर्ने यही संस्था भएको उनको दाबी छ । साधरण सभामा विराटनगरका मेयर भीम पराजुलीले मुनाफा भएको रकम सामाजिक र विकास निमार्ण लगानी गर्न आग्रह गरेका थिए ।
