विगत तीन वर्षदेखि सामाजिक कार्यमा सकृय रहदै आएको संस्था परिवर्तनका लागी हातेमालो युएफसीले विश्वव्यापी रुपमा फैलिएको कोरोना भाइरसको जोखिमबाट बच्न जनचेतना जगाउने उदेश्यले विभिन्न जनचेतनामुलक कार्यक्रम सम्पन्न गरेको छ ।
जनचेतनाका निम्ति विराटनगर र यसका आसपासका क्षेत्रमा कोरोना भाइरसका लक्षण तथा बच्ने उपायहरु सहितको ब्यानर बनाएर झुन्डाइएको छ । विराटनगर प्रवेश द्वार, वडा नं. १९ स्थित मिलन चौक, हाटखोला लगायत कटहरी गाँउपालिकाका केही स्थानमा सन्देशमुलक ब्यानर झुन्डाइएको संस्थाका अध्यक्ष विनोद परियारले बताए ।
विशेष गरी फोहोर व्यवस्थापन र सरसफाइको क्षेत्रमा काम गर्ने संस्था यूएफसीले आगामी दिनमा समेत यस्ता सामाजिक कार्यलाई निरन्तरता दिने संस्थाका वरीष्ठ उपाध्यक्ष राम पोखरेलले बताए ।
