जानकारी : विराटनगर लकडाउन हुदा के खुल्छ ? के खुल्दैन ?

जानकारी : विराटनगर लकडाउन हुदा के खुल्छ ? के खुल्दैन ?

विराटनगर । कोभिड( १९ कोरोना भाइरसको संक्रमणबाट सतर्क रहने क्रममा विराटनगर महानगरपालिकाले मंगलबारदेखि अर्को सूचना जारी नगरुञ्जेलसम्मका लागि लक डाउनको घोषणा गरेको छ ।

महानगरपालिकामा सोमबार सरोकारवाला निकायसंगको छलफलपछि महानगरले नगर लकडाउन गर्ने जनाएको हो । छलफलपछि महानगरका मेयर भीम पराजुलीले अत्यावश्यक बाहेकका सबैकुरा बन्द गर्ने निर्णय गरेको जानकारी दिनुभयो ।

यसक्रममा बजार क्षेत्रदेखि चौकसम्म महानगरले सुक्ष्म निगरानी गर्ने र पसल बन्द गराउनेछ । मेयर पराजुलीले औषधी उपचार, दुध, पानी, सरसफाई, खाद्यान्न लगायतका पसललाई भने बन्द नगरिने बताउनुभयो ।कोराना भाइरस संक्रमण फैलन नदिनका लागि महानगरले चालेको कदममा सर्वसाधारणले साथ दिने अपेक्षा गरेका मेयर पराजुलीले अर्को सूचना जारी नहुन्जेलसम्मका लागि नगरवासीलाई आवश्यक कामबाहेक ननिस्कन अपिल गर्नुभएको छ ।

पराजुलीले यस परिस्थितीमा नगरवासीले घरभित्रै रहेर आफ्ना कार्य गर्न आग्रह गर्नुभयो ।
मेयर पराजुलीले नयाँ मानिस वडामा देखिएको खण्डमा बुझेर तत्काल वडाका पदाधिकारीलाई जानकारी गराउने अपिल गर्नुभयो ।
सर्वसाधारणको सहजताका लागि महानगरले स्वास्थ्य महाशाखाका तीनजनालाई फोकल पर्सनका रुपमा तोकेको छ। नगरभित्र केही समस्या परेको खण्डमा नजिकैको वडा कार्यालयका पदाधिकारीसंग समन्वय गर्न महानगरले आग्रह गरेको छ । यसक्रममा सर्वसाधारणलाई सहज रुपमा तरकारी तथा खाद्यान्न पुराउन चोक चोकमा राखिने महानगरले जनाएको छ ।

यो खबर पढेर तपाईलाई कस्तो महसुस भयो ?

Loading spinner

तपाईको प्रतिक्रिया लेख्नुहोस्