विराटनगर । नेपालमा पछिल्लो २४ घण्टामा ३७० जना नागरिकले कोरोना भाईरस (कोभिड–१९) संक्रमणलाई पराजित गरेर घर फर्केका छन् ।
स्वास्थ्य मन्त्रालयको नियमित पत्रकार सम्मेलनमा प्रा.डा.जागेश्वर गौतमले देशभरमा ३२ महिलासहित ३२८ पुरुष कोरोनामुक्त भएको जानकारी दिनु भएको हो ।
नेपालमा कोरोनामुक्त हुनेको संख्या २ हजार २४२ जना पुगेको छ ।
देशभरमा पछिल्लो २४ घण्टामा ५३५ जनालाई कोरोना भाइरस संक्रमण पुष्टि भएको छ । जसमा ७४ महिला र ४६१ पुरुषमा संक्रमण पुष्टि भएको हो ।
नेपालमा संक्रमितको संख्या ९ हजार ५६१ र उपचारपछि निको हुनेको संख्या २ हजार १४२ पुगेको हो । हालसम्म २३ जनाको मृत्यु भईसकेको छ । पछिल्लो २४ घण्टामा कसैको मृत्यु नभएको सुखद् खबर छ ।
