भारतमा पछिल्लो २४ घण्टामा अहिलेसम्मकै सबैभन्दा धेरै कोरोना संक्रमित थपिएका छन् । पछिल्लो २४ घण्टामा भारतमा २४ हजार कोरोना संक्रमित थपिएका हुन् ।
यसअघि अघिल्लो २४ घण्टामा भारतमा २२ हजार ७७१ कोरोना संक्रमित थपिएको विश्व स्वास्थ्य संगठनको तथ्यांकमा उल्लेख छ ।
भारतमा हालसम्म १८ हजार ६५५ संक्रमितको ज्यान गइसकेको छ भने ६ लाख ४८ हजार ३१५ जनामा कोरोना संक्रमण देखिएको छ ।
भारतको संघीय सरकारले लकडाउन टु लुजडाउनको नीति अख्तियार गरेपछि कोरोना संक्रमण तीव्र गतिमा फैलिरहेको छ । हरेक ५ दिन नबित्दै एकलाखभन्दा धेरै संक्रमित थपिने गरेका छन् ।
भारतमा जुन १७ मा अहिलेसम्मकै सबैभन्दा धेरै एकै दिन २ हजार ३ कोरोना संक्रमितको मृत्यु भएको विश्व स्वास्थ्य संगठनले जनाएको छ । त्यसयता रहेक दिन ४ देखि ५ सयको सेरोफेरोमा कोरोना संक्रमितको मृत्यु हुँदै आएको छ ।
भारत विश्वमा सबैभन्दा धेरै कोरोना संक्रमित हुने देशको सूचिमा चौथो स्थानमा छ ।
