विराटनगर । आफ्नै घरपरिवारका सदस्यलाई कोरोना पोजेटिभ पुष्टि भएपछि प्रदेश १ प्रदेशसभाका सभामुख प्रदीपकुमार भण्डारी क्वारेन्टीनमा बस्नु भएको छ ।
विपी कोइराला स्वास्थ्य विज्ञान प्रतिष्ठानमा स्वाब परीक्षण गर्दा परिवारका सदस्यलाई कोरोना पोजेटिभ देखिएको थियो ।
चारदिन अघि ज्वरो आएर परिवारका सदस्यलाई सभामुख भण्डारी घरैमा अलग्गै क्वारेन्टाइनमा बस्न थाल्नु भएको बुझिएको छ । संक्रमित परिवारका सदस्यको ट्राभल हिस्ट्री देखिएको छैन ।
सभामुख भण्डारीसहित परिवारका बाँकी सदस्यहरुको बुधबार स्वाब संकलन गरिएको थियो । उनको स्वाब परीक्षणको रिपोर्ट बिहिबार नेगेटिभ आएको सभामुख भण्डारीको सचिवालयले जनाएको छ ।
