विराटनगर । लायन्स क्लव अफ पाथीभरा विराटनगरले कोरोना संक्रमणको ‘हाईरिस्क’ पेसामा क्रियाशिल रहेका सुरक्षाकर्मी र सञ्चारकर्मीका लागि फेस सिल्ड र मास्क सहयोगस्वरुप उपलब्ध गराएको छ ।
प्रदेश १ ट्राफिक प्रहरी कार्यालय र नेपाल पत्रकार महासंघ मोरङ शाखालाई कोरोनाबाट सुरक्षित रहनका लागि प्रयोगमा ल्याउने फेस सिल्ड र मास्क शनिबार हस्तान्तरण गरिएको हो ।
लायन्स क्लव पाथीभरा विराटनगरका अध्यक्ष गंगा खतिवडाका अनुसार ट्राफिक प्रहरीलाई १०८ थान र नेपाल प्रत्रकार महासंघ मोरङ शाखालाई ४८ थान फेससिल्ड सहयोग गरिएको छ ।
प्रदेश १ ट्राफिक प्रहरीका उपरीक्षक संजिव शर्मा र नेपाल पत्रकार महासंघ मोरङ शाखाका अध्यक्ष बन्धु पोखरेलले स्वास्थ्य सुरक्षा सामाग्री ग्रहण गर्नु भएको थियो ।
