विराटनगर साउन २९ ,
विराटनगरस्थित नोबेल मेडिकल कलेजका एक जना चिकित्सकलाई प्लाज्मा थेरापीबाट उपचार गर्ने तयारी भएको छ । कोरोना संक्रमण देखिएर काठमाडौको त्रिवि शिक्षण अस्पतालको आईसीयुमा उपचाररत रहेका छन् ।
स्वास्थ्य अवस्था जटिल बन्दै गएपछि आईसीयुमा उपचारत चिकित्सकलाई अस्पतालले प्लाज्मा थेरापीबाट उपचार गर्ने तयारी गरेको नोबेल अस्पतालका प्रबन्धक नारायण दाहालले बताए ।
अस्पतालका अर्का डाक्टरको अवस्था भने सामान्य रहेको दाहालले जानकारी दिए । साथै नोबेल अस्पतालका अन्य कर्मचारी तथा मेडिकल टिमको स्वाब संकलन कार्य जारी रहेको दाहालको भनाइ छ ।