विराटनगर । अखिल नेपाल टेवल टेनिस क्लबका उपाध्यक्ष, प्रशिक्षक एवं पूर्व खेलाडी राजेन्द्र बहादुर दुलालले सिन्धुपाल्चोकमा पहिरो पीडित ३५ घर परिवारलाई खाद्यान्न राहत प्रदान गरेका छन् । उपाध्यक्ष दुलालले सोही स्थानमा नै पुगि पीडित परिवारलाई ३५ बोरा चामल, नुन, तेल, दाल लगायत खाद्य सामाग्री प्रदाान गरेका हुन् ।
यसका साथै उपाध्यक्ष दुलालले कोभिड १९ का कारण दैनिक रोजगारी गुमाएका र हात मुख जोर्न समस्यामा परेका ५ घरपरिवारका २२ सदस्यलाई ५ बोरा चामल, दाल, नुन, तेल लगायत खाद्य सामाग्री पनि वितरण गरेका थिए । खेल क्षेत्रको विकासका लागि दत्तचित्त रहने दुलाल खेल क्षेत्रभन्दा पर समाज सेवामा पनि सक्रिय रुपमा सहभागिता जनाउँदै आईरहेका छन् ।
