अफगानिस्तान,
अफगानिस्तानको दक्षिणी प्रान्त हेल्मान्डको प्रान्तीय राजधानी लस्कार घामा व्यस्त सडकमा भएको एक विस्फोटमा परी एक प्रहरी अधिकारीको मृत्यु भएको छ भने यस विस्फोटमा अन्य १५ जना घाइते भएका छन । विस्फोट अफगानिस्तानको हेल्मण्ड प्रान्तको राजधानी शहर लास्कर घामा सो गराइएको थियो ।
बम विस्फोट कसले गराएको भन्ने बारेमा केही जानकारी आएको छैन । हालसम्म यस विस्फोट कुनै समूहले जिम्मा पनि लिएको छैन् । तर पनि प्रहरीले सो विस्फोट तालिबानी विद्रोहीले नै गराएको बताएका छन् । उक्त विस्फोट जिल्ला प्रहरी कार्यालय नजिकै भएको बताइएको छ ।
यस विस्फोटमा परेर अरु पनि केही नागरिक घाइते भएका र उनीहरुलाई आकस्मिक अस्पताल लगिएको एजेन्सीले जनाएको छ ।
-एजेन्सी
