भारतीय समाचार च्यानल इन्डिया टुडे समुहको वरिष्ठ पत्रकार तथा समाचारवाचक रोहित सरदानाको कोभिड संक्रमणका कारण मृत्यु भएको छ । ४२ वर्षिय सरदाताले ट्विट गर्दै गत २४ अप्रिलमा आफु कोरोनाभाईरसबाट संक्रिमत भएको बताएका थिए । उनले आफ्नो अवस्था पहिले भन्दा सुधारोन्मुख भएको बताएका थिए । तर आज दिउँसो उनको मृत्यु भएको खबर बाहिरिएको छ ।
उतको मृत्यु भएको पुष्टि गर्दै इन्डिया टुडेका पत्रकार राजदिप सरदेसाईले उनलाई ट्विटरको मार्फतबाट अन्तिम विदाई दिएका छन् ।
उनको दुखद मृत्यु प्रति समवेदना जनाउदै भारतीय प्रधानमन्त्री नरन्द्र मोदीले लेखेका छन् ‘रोहितले हामीलाई निक्कै चाँडो छोडेर गए । भरपुर उर्जाले भरिएका तथा भारतको प्रगतिका लागि लागिपरेका रोहितलाई धेरै व्यक्तिहरुले याद गर्नेछन् । उनको असमायिक निधनले मिडिया जगतमा ठुलो खाडल बनाएको छ । उनको परिवार, साथीहरु र उनलाई माया गर्नेहरु प्रति समवेदना’
साथै उनको निधनप्रति दुखित हुदै भारतिय पत्रकार, राजनितिज्ञ तथा वलिउड कलाकारहरु सबैले समवेदनता प्रकट गरिरहेका छन् ।
