काठमाडौं
इन्टरनेट सेवा प्रदायक कम्पनी वर्ल्डलिंक कम्युनिकेसन लिमिटेडका सञ्चालक तथा निर्देशक विजय जलानको निधन भएको छ । कोभिड संक्रममित उनको काठमाडौं स्थित मेडिसिटी अस्पतालमा उपचारको क्रममा आज विहान निधन भएको पारिवारिक श्रोतले जनाएको छ ।
वर्ल्डलिंक कम्युनिकेसन लिमिटेडका सह संस्थापक समेत रहेका ४७ वर्षीय जलान इन्टरनेट सेवाप्रदायक संघ नेपाल (आईस्पान) का कार्यकारी सदस्य समेत हुन् ।साथै उनि वर्ल्डलिंकको स्थापना कालदेखि नै व्यवस्थापकीय भूमिकामा थिए ।
कोभिड संक्रमित जलान करिब १५ दिनअघि अस्पताल भर्ना भएका थिए। अस्पताल भर्ना पछि उनको भेन्टिलेटरमा राखेर उपचार भइरहेको थियो ।
