भारतीय राज्य पश्चिम बंगालमा कोरोना संक्रमण तिब्र भएपछि आगामी १५ दिनको लागि कडा लकडाउन घोषणा गरिएको छ । १६ देखि ३० मे सम्मका लागि घोषणा गरिएको लकडाउनमा मेट्रो र बसको सेवाहरु पनि पुर्णरुपमा बन्द गर्ने घोषणा गरीएको छ ।
मुख्यमन्त्री ममता बनर्जीको भाई असीम बनर्जीको कोरोना संक्रमणबाट मृत्यु भएपछि लकडाउनलाई झन् कडा बनाइएको हो । उनी विगत एक महिनादेखि कोलकाताको मेडिका सुपरस्पेशियालिटि अस्पतालमा उपचाररत थिए ।
बंगालमा हाल दैनिक २० हजार भन्दा बढिमा संक्रमण देखिरहेको छ। विगत २४ घण्टामा २० हजार ८ सय ४६ जनामा संक्रमण देखिएको छ भने १ सय ३६ जनाको मृत्यु भएको थियो ।
पश्चिम बंगालका मुख्य सचिव आलापन बंन्धोपाध्यायका अनुसार अत्यन्त जरुरी बाहेकको सबै सेवाहरु बन्द गरिएको छ । यद्यपी विवाहहरुमा बढिमा ५० जना र अन्तिम संस्कारमा अधिक्तम २० जना सहभागी हुन मिल्नेछ ।
भर्खरै सम्पन्न निर्वाचनका कारण कोरोना संक्रमणमा तिब्रता आउने आंकलन विज्ञहरुले पहिले देखि नै गरेका थिए ।
