विराटनगर । जिल्ला ट्राफिक प्रहरी कार्यालय मोरङका प्रमुखसहित छ जनालाई कोरोना संक्रमण पुष्टि भएको छ । निषेधाज्ञा कार्यन्वयनका लागि डिउटीमा खटिएका ट्राफिक प्रहरी कार्यालय मोरङका प्रहरी निरीक्षक चन्द्र खड्कासहित छ जना संक्रमित भएका हुन् ।
जिल्ला ट्राफिक प्रहरीका सई बिनोदकुमार खतिवडाका अनुसार जिल्ला ट्राफिकका छ जनासहित सिआरभी ०९ का २ जना र संसद भवन डिउटी रहेका एकजनामा संक्रमण पुष्टि भएको हो ।
संक्रमण पुष्टि भएपछि ट्राफिकका प्रमुख खड्कासहित अन्यलाई आईसोलेशनमा राखिएको छ । ट्राफिकका एकजना हवल्दार र बाँकी सिपाई छन् भने सिआरभी ०९ का सईलाई समेत संक्रमण पुष्टि भएको हो । सिआरभीको उक्त ०९ नम्बर पञ्चमुखीचौकमा रहन्थ्यो ।
