विराटनगर । प्रदेश १ मा पछिल्लो २४ घण्टामा १० जना पुरुष र ७ जना महिलाको मृत्यु कोरोना संक्रमणका कारण भएको छ ।
झापाका २, मोरङका ६, सुनसरीका ५, उदयपुरका १ र अन्य ३ गरी १७ जनाको मृत्यु भएको हो ।
प्रदेश १ सामाजिक विकास मन्त्रालयले सार्वजनिक गरेको तथ्यांकमा विपी कोइराला स्वास्थ्य विज्ञान प्रतिष्ठानमा १, मेची अस्पतालमा २, नोबेल मेडिकल कलेजमा ५, विराट मेडिकल कलेजमा ७ जना र अन्य आइसोलेसमा २ जनाको मृत्यु भएको उल्लेख छ । यो सँगै प्रदेश १ मा २५६ जना महिला र ६१९ पुरुष गरी ८७५ जनाको मृत्यु भएको तथ्यांकमा उल्लेख छ ।
