झापा ।झापाको मेचीनगर नगरपालिका वडा १० स्थितबाट प्रतिवन्धित लागुऔषध ब्राउन सुगर सहित २ जनालाई पक्राउ गरिएको छ ।
पक्राउ पर्नेमा मेचीनगर वडा १० बस्ने ३२ बर्षीय बिक्रम प्रसाई र मेचीनगर वडा ९ बस्ने ४४ बर्षीय संजय खडका रहेका छन । आइतबार बेलुका करिब ४ बजे इलाका प्रहरी कार्यालय धुलाबारीबाट खटिएको प्रहरी टोलीले बिक्रम राईको घरको भान्सा कोठा भित्र बसिरहेको अवस्थामा दुवै जनालाई प्रतिवन्धित लागुऔषध ब्राउन सुगर ५ ग्राम, डिजिटल तराजु १ थान, नगद १९ हजार ५ सय रुपैँया सहित नियन्त्रणमा लिएको हो ।
पक्राउ परेका प्रसाई र खडकाको इलाका प्रहरी कार्यालय धुलाबारीबाट थप अनुसन्धान भईरहेको जनाएको छ।
