मोरङ । मोरङको रतुवामाई नगरपालिका वडा ८ डाँडागाँउका ४५ बर्षीय कृष्ण राई लागुऔषध गाँजा सहित पक्राउ परेका छन् ।
आईतबार दिउँसो करिब १ बजे विशेष सूचनाका आधारमा ईलाका प्रहरी कार्यालय सिजुवाबाट खटिएको गस्ती टोलीले राईको घरमा खानतलासी गर्ने क्रममा कोठा भित्र लुकाई छिपाई राखेको ५ के.जि. ३९० ग्राम लागुऔषध गाँजा प्रहरी टोलीले बरामद गरेको हो ।
बरामद गरीएको गाँजा र राईलाई ईलाका प्रहरी कार्यालय सिजुवाले नियन्त्रणमा लिई थप अनुसन्धान गरिरहेको जनाएको छ ।
