विराटनगर । विराटनगर जेसिजमा बर्ष २०२२ मा निर्वाचित तथा मनोनित पदाधिकारीहरुलाई तालिम सम्पन्न भएको छ ।
विराटनगर जेसिजको सभाहलमा सम्पन्न भएको तालिम पुर्व अध्यक्ष क्लबको तर्फबाट प्रदान गरिएको र उक्त तालिममा विराटनगर जेसिज तथा जुनियर जेसिजका पदाधीकारीहरु सहभागी थिए ।
तालिमको प्रमुख प्रशिक्षक तथा प्रमुख अतिथि मा नेपाल जेसिजका पुर्व राष्ट्रिय अध्यक्ष सिनेटर फुलकुमार लालवाणी रहनु भएको थियो भने प्रशिक्षकमा विराटनगर जेसिजका पुर्व अध्यक्ष सेवक बजगाइ रह्नु भएको थियो ।
तालिम मा बैठक संचालन विधि , पदाधिकारीले गर्नु पर्ने काम कर्तव्य, जेसिजको रुपमा समाजमा जेसिजले गर्नु पर्ने काम लगायत बिषयमा सहजीकरण गरिएको थियो ।
तालिमले आफूहरुमा अझ सहज रुपमा काम गर्ने बाताबरण निर्माण गरेको र आगामी दिनमा आफूहरु नीति र नियम बनाएर अघि बढ्न नि सघाउ पुग्ने विराटनगर जेसिजका अध्यक्ष देवचन्द्र घिमिरेले बताए ।
त्यस्तै विराटनगर जुनियर जेसिजका अध्यक्ष बिकल्प न्यौपानेले शाखा पदाधिकारीहरु लाई दिइने तालिममा जुनियर जेसिजलाई पनि सहभागी हुने अवसर प्राप्त भएको र विराटनगर जेसिजको युथ प्रोजेक्टले यस किसिमको तालिम प्राप्त गरेर धेरै नयाँ कुरा सिक्ने अवसर प्राप्त भएको बताए !
विराटनगर जेसिजमा हरेक बर्ष परिवर्तन हुने बोर्ड लाई हरेक बर्ष कार्य संचालन गर्न सजिलो होस भन्ने उदेश्यले यो तालिम प्रदान गरिने गरिन्छ । तालिमको पाठशाला भनेर चिनिने जेसिजको यो तालिम पश्चात् पदाधिकारीहरु बर्ष भरी नै विभिन्न योजना बनाएर कार्य गर्ने गर्दछन ।
कार्यक्रममा अन्तर्राष्ट्रिय जेसिजका पुर्व कार्यकारीणि उपाध्यक्ष सिनेटर सन्तोष रिजाल , नेपाल जेसिजका पुर्व राष्ट्रिय अध्यक्ष सिनेटर फुल कुमार लालवाणी , पुर्व अध्यक्षहरु सिनेटर घनश्याम राठि , टिकाराज ढकाल , अरुण गुप्ता , सुशील रिजाल , इन्द्र खेतान , हरिबहादुर श्रेष्ठ , प्रज्वल लाल श्रेष्ठ ,टि पि आचार्य , श्यामसुन्दर पौडेल मिलन , सेवक बजगाइ , उज्वल खरेल लगायतको उपस्थिति रहेको थियो भने विराटनगर जेसिजका निवर्तमान अध्यक्ष सिनेटर प्रदीप दाहालले संचालन गरेको कार्यक्रम विराटनगर जेसिज पुर्व अध्यक्ष क्लबका अध्यक्ष सुरेशलाल श्रेष्ठको सभापतित्वमा सम्पन्न भएको थियो ।
