विराटनगर । मोरङको बेलवारी नगरपालिका–१ सिनेमा हल अगाडीबाट आईतवार बिहान हराएको कार खोजतलास गर्ने क्रममा हराएको कार र लागुऔषध सहित ३ जनालाई प्रहरीले सोही दिन पक्राउ गरेको छ ।
आईतबार बिहान ८ बजे मोरङको बेलबारी नगरपालिका–३ बस्ने ४३ बर्षीय रिक्तमान गुरुङले बेलबारी–१ सिनेमा हल अगाडी पार्किङ गरी राखेको अवस्थामा प्रदेश ३–०१–०२५ च ९७५० नम्बरको कार हराएको थियो । कार हराएपछि ईलाका प्रहरी कार्यालय बेलबारीमा हुलिया निबेदन दिएकोमा खोजतलास गर्ने क्रममा दिउँसो सुन्दरहरैचा नगरपालिका–७ विश्वकर्मा मन्दिरबाट उक्त कार फेला परेको थियो । कार फेला परे संगै उक्त कारमा रहेका बेलबारी नगरपालिका–३ बस्ने ३६ बर्षीय सुरज गुरुङ , केरावारी–१० बस्ने २५ बर्षीय तेज कुमार मगर र केराबारी–७ बस्ने २६ बर्षीय नगेन्द्र लिम्बुलाई नियन्त्रणमा लिई उक्त कार चेकजाँच गर्ने क्रममा लागुऔषध बरामद भएको हो ।
प्रहरीले कार चोरेका व्यक्तिहरुको खोज गर्दै जाँदा कारमै रहेका उनीहरुले डाइजेपाम ११ एम्पुल , एभिल ९ एम्पुल, फेरागन १० एम्पुल , र लुपिगेसिक१० एम्पुल गरि जम्मा ४० एम्पुल बरामद भएको थियो । लागुऔषध सहित पक्राउ परेका उनीहरुको थप अनुसन्धान कार्य भईरहेको ईलाका प्रहरी कार्यालय बेलवारीले जनाएको छ ।
