विराटनगर । सोलुखुम्बु खुम्बु पासाङल्हामु गाउँपालिका वडा ४ खुम्जुङ बस्ने पासाङल्हामु शेर्पाको ८ बर्षीया सोनाम छुटिन शेर्पाको घोडाबाट लडेर मृत्यु भएको छ भने उनीसगैँ सवार रहेकी अर्की बालिका ९ बर्षीया मिङमा कान्छी शेर्पा समेत सामान्य घाईते भएकी छन् ।
बुधबार बिहान करिब १०:३० बजे उनीहरु मामाको घोडामा चढेर जाँदै गर्दा खुम्बु पासाङल्हामु गाउँपालिका वडा ३ लासे दोभान स्थितमा हिउँमा चिम्लिएर घोडा लड्दा उनीहरु समेत लडि घाईते भएका थिए । घाईते मध्ये सोनामको उपचारको लागी लैजादैँ गर्दा दिउँसो १२ बजे बाटैमा मृत्यु भएको छ ।
घटना बारेमा ईलाका प्रहरी कार्यालय नाम्चेबाट प्रहरी टोली खटि गई थप अनुसन्धान भईरहेको जनाएको छ ।
फोटो: साङ्केतिक
