रंगेली । ईलाका प्रहरी कार्यालय रंगेलीले फागुन १२ गते धनपालथान गाउँपालिका ४ बाट बेवारिसे अवस्थामा फेला पारेका युवकलाई आफन्तको जिम्मा लगाएको छ । सर्लाही बरहथवा नगरपालिका १४ ललिया टोल बस्ने बुवा बिरेन्द्र राम र आमा मनिया देवी रामलाई युवक जिम्मा लगाइएको हो ।
सुस्तमनस्थिति भएका २२ बर्ष का दिलिप राम लाई रंगेली प्रहरीले फेला पारेर संरक्षणमा राखेको थियो । प्रहरीले सोहि दिन आफ्नो फेसबुकमार्फत बालक फेला परेको सुचना सार्वजानिक गरेको थियो ।
फेसबुकमार्फत आफुले छोरालाई फेला पारेको बुबा बिरेन्द्र रामले बताए । प्रहरीले दिलिपलाई एक सरो लुगा समेत उपलब्ध गराएर अभिभावकको जिम्मा लगाईदिएको हो । उनी फेला पर्दा एकसरो कपडाको समेत अभावमा थिए ।
