विराटनगर । मोरङको कानेपोखरी गाउँपालिका वडा ५ भौसाबारीबाट लागुऔषध सहित ३ जनालाई प्रहरीले पक्राउ गरेको छ ।
पक्राउ पर्नेमा कानेपोखरी गाउँपालिका वडा ५ बस्ने २२ बर्षीय प्रकाश ढकाल,२९ बर्षीय बिक्रान्त चौधरी र सोही स्थानका सुमन भुजेल रहेका छन् । शुक्रबार बेलुका करिब ७ बजे गोप्य सुचनाको आधारमा ईलाका प्रहरी कार्यालय पथरी मोरङबाट खटी गएको प्रहरी टोलीले उनीहरुको साथबाट लागुऔषध ब्राउनसुगर १२ ग्राम २३० मिलिग्राम बरामद गरेको थियो ।
लागुऔषध सहित पक्राउ परेका तीनै जनाको घटना बारेमा प्रहरीले थप अनुसन्धान भईरहेको जनाएको छ ।
