विराटनगर । नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले नेपाली कांग्रेसले जनतालाई देखाउने गरी कुनै काम गर्न नसक्ने बताउनु भएको छ । एमाले मोरङले रंगेलीमा बुधबार आयोजना गरेको तराई मधेश केन्द्रित जनसभामा अध्यक्ष ओलीले कांग्रेसले नेतृत्व गरेको समयमा सरकारले महंगी बढाउन बाहेक कुनै काम गर्न नसकेको आरोप लगाउनु भएको हो।
कांग्रेसको पात मात्रै हैन, रूख नै सुकेको अध्यक्ष ओलीले दावी छ । निर्वाचन आयोगले मतपत्र हरियो रङमा छाप्ने निर्णयको विरोध गर्दै कांग्रेसतिर आयोग झुकेको टिप्पणी गर्नुभयो । एमालेलाई अहिले हाइसन्चो भएको बताउँदै अध्यक्ष ओलीले चोइटिए पनि कुनै असर नभएको दावी गर्नुभयो । पिलो निचोरिएको जस्तो भएको छ, अध्यक्ष ओलीले नेपाल समूहतर्फ संकेत गर्दै भन्नुभयो–एमालेमा झन् आकर्षण बढ्दै गएको छ।
अध्यक्ष ओलीले माओवादी पार्टी नभएर अन्योलको पोको भएको टिप्पणी गर्नुभयो । माओवादी पार्टी नै नभएकाले नअल्मलिई एमालेमा आउन ओलीको आग्रह थियो ।
