विराटनगर । पछिल्लो २४ घण्टामा देशभरी थप ८२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार बुधबार थप ८२ जनामा संक्रमण पुष्टि भएको हो । ६ हजार १ सय ७५ जनाको कोरोना परीक्षण गर्दा सो संख्यामा संक्रमित थपिएका हुन् । ४ हजार ७ सय ९० जनाको पिसिआर गर्दा ४१ र १ हजार ३ सय ८५ जनाको एन्टिजेन परीक्षण गर्दा ४१ जनामा संक्रमण पुष्टि भएको हो । योसँगै देशभर ४ हजार ५ सय ७४ जना सक्रिय संक्रमित छन् । पछिल्लो २४ घण्टामा २ सय १३ जना संक्रमित निको समेत भएका छन् ।
