झापा । झापाको कनकाई नगरपालिका-३ नयाँ बस्ति स्थित पुर्व पश्चिम राजमार्गमा सवारी दुर्घटना हुँदा १ जनाको मृत्यु भएको छ ।
बिहिबार राति करिब १० बजे पूर्बबाट पश्चिमतर्फ जाँदै गरेको को २३ प ४०४७ नम्बरको मोटरसाईकल अनियन्त्रित भई दुर्घटना हुँदा सडकको छेउमा रोकि राखेएको ना.६ ख. ९०७९ नम्बरको ट्रकमा ठक्कर लागि दुर्घटना हुँदा मोटरसाईकल चालक उर्लाबारी नगरपालिका-७ का ५६ बर्षीय बुद्धकान्त सुबेदी गम्भिर घाईते भएका थिए । घाईते भएका सुबेदीको उपचारको लागी बि एण्ड सि अस्पताल बिर्तामोड लगिएकोमा अस्पताल पुर्याउनासाथ डाक्टरले मृत घोषणा गरेको हो ।
ट्रक चालक सुन्दरहरैचा-६ का ३१ बर्षीय हर्क बहादुर दर्जी ईलाका प्रहरी कार्यालय सुरुङ्गाले नियन्त्रणमा लिएको छ । घटना बारेमा ईलाका प्रहरी कार्यालय अनारमनीबाट थप अनुसन्धान भईरहेको जनाएको छ ।
