विराटनगर । सुनसरीको इटहरी उप–महानगरपालिका क्षेत्रमा जङ्गली चितुवा देखा परेको छ ।
इटहरी उप–महानगरपालिका वडा नं. ६ र ९ को सीमानामा पर्ने एकता टोल विकास क्षेत्रमा चितुवा देखा परेको हो । चितुवा देखिएसँगै स्थानीयहरु आतङ्कित बनेका छन् । बिहानै देखा परेको चितुवालाई हाल नियन्त्रणमा लिने प्रयास जारी छ । चितुवा नियन्त्रणमा लिनका निम्त्ति अहिले कोशी टप्पु वन्यजन्तु आरक्षको उद्वार टोलीलाई परिचालन गरिएको छ । कुनै अप्रिय घटना हुन नदिन स्थानीयको सुरक्षार्थ हाल जुट विकास र एकता टोल क्षेत्रमा इलाका प्रहरी कार्यालयबाट प्रहरी र जिल्ला वन कार्यालयका कर्मचारीहरुको टोली खटाईएको छ । प्रहरीले भने स्थानीयलाई घरभित्रै बस्न आग्रह गरिरहेको छ ।
चितुवा भने हाल एक स्थानीयको घरको कम्पाउण्डभित्र लुकेर बसेको जनाईएको छ ।
