विराटनगर । झापाको मेचीनगर नगरपालिका-१२ हापाडाँगीबाट नियन्त्रीत लागूऔषध ब्राउनसुगर सहित २ जनालाई प्रहरीले पक्राउ गरेको छ ।
विशेष सूचनाको आधारमा ईलाका प्रहरी कार्यालय धुलावारीबाट खटिएको प्रहरी टोलीले मंगलवार दिउँसो स्थानीय २४ बर्षीय सुरज मेचे र २२ बर्षीय जिवन सार्कीलाई लागुऔषध सहित नियन्त्रणमा लिएको हो । उनीहरुको साथबाट प्रहरीले ८ ग्राम ५२ मिलिग्राम लागुऔषध ब्राउनसुगर, नगद ७३ हजार, १ थान मोबाईल र १ थान डिजिटल तराजु समेत बरामद गरेको छ । लागुऔषध सहित पक्राउ परेका उनीहरुको सम्बन्धमा प्रहरीले थप अनुसन्धान गरिरहेको जनाएको छ ।
