विराटनगर । झापाको कमल गाउँपालिका-६ स्थितमा सिटी रिक्सा दुर्घटना हुँदा १ जनाको मृत्यु भएको छ ।
बिहीवार दिउँसो ११ बजे मे.१ ह ६३१० नम्बरको सिटी रिक्सा अनियन्त्रित भई पल्टदा सिटीमा सवार रहेका उर्लाबारी नगरपालिका-८ मोरङका ३२ बर्षीय डिल्लीराम घोर्साने घाईते भएका थिए । घाईते घोर्सानेको थप उपचारको लागी विराटनगर स्थित नोवेल अस्पताल ल्याईएकोमा अस्पतालमा उपचार हुन नसकि घर तर्फ लैजाने क्रममा बाटोमै मृत्यु भएको हो ।
दुर्घटनामा संलग्न सिटी र चालक दमक नगरपालिका-१० झापाका लिला बहादुर भुजेललाई ईलाका प्रहरी कार्यालय दमकले नियन्त्रणमा लिएको छ । घटना बारेमा प्रहरीले थप अनुसन्धान गरिरहेको जनाएको छ ।