विराटनगर । मोरङको सुन्दरहरैंचा–३ आइतबारेस्थित गछिया खोलामा एक व्यक्तिको लास फेला परेको छ ।
पहिचान नखुलेको अन्दाजी ५५ वर्षीया पुरुषको लास खोलाले बगाएर ल्याएको अवस्थामा मंगलबार बिहान फेला परेको हो । जिल्ला प्रहरी कार्यालय मोरङका प्रहरी नायव उपरीक्षक दिपक श्रेष्ठका अनुसार अहिले लासलाई खोलाबाट बाहिर निकालिएको छ । तराईवासीको जस्तो वतन देखिने लासका सम्बन्धमा इलाका प्रहरी कार्यालय बेलबारीले अनुसन्धान गरिरहेको छ ।
अस्थायी प्रहरी चौकी गछियादेखि तीनकिलोमिटर दक्षिणमा लास भेटिएको थियो ।
