विराटनगर । जहदा गाउँपालिका–३ हात्तीबन्दामा सिंघिया खोलामा पुरुषको शव फेला परेको छ ।
आज बिहान अन्दाजी ३५-३६ वर्षीय पुरुषको शव फेला परेकाे हाे । मृतकको पहिचान नखुलेको मोरङ प्रहरीका प्रवक्ता डिएसपी दीपक श्रेष्ठले बताए । श्रेष्ठका अनुसार सिंघिया खोलाले बगाएर मोरङको जहदा गाउँपालिका–३ हात्तीबन्दामा पुर्याएको अवस्थामा शव फेला परेको हो ।
खोलामा शव देखेपछि स्थानीयले बिहिबार बिहान प्रहरीलाई खबर गरेका थिए । सडेर दुर्गन्ध फैलिएको अवस्थामा शव भेटिएको डिएसपी श्रेष्ठले आवर विराटनगरलाई बताए ।
मृतकको पहिचान गर्ने प्रयास भइरहेको डिएसपी श्रेष्ठले जानकारी दिए ।
