विराटनगर । मोरङको सुन्दरहरैंचा नगरपालिका-१२ विराटचौक स्थितबाट मोटरसाईकल चोरीमा संलग्न २ जनालाई कोशी प्रदेश प्रहरी कार्यालयको प्रादेशिक अनुसन्धान समुह पीआइटीबाट खटिएको प्रहरी टोलीले पक्राउ गरेको छ ।
गत मंगलबार विराट चौकको बजरंगबली रिकन्डिसन सेन्टरबाट बिना कागजात चोरीको मोटरसाईकल को. ३५ प २२०२ नम्बरको पल्सर मोटरसाइकल खरिद बिक्री गर्ने स्थानीय ४० वर्षीय शंकर दाहाल र धनपालथान गाउँपालिका-१ का १९ वर्षीय अजय मण्डल समेतलाई पक्राउ गरेको हो ।
पक्राउ परेका उनीहरुको इलाका प्रहरी कार्यालय दुहबी सुनसरीबाट थप अनुसन्धान भईरहेको प्रहरीले जनाएको छ ।
