काठमाडौं । नेपाल कम्युनिष्ट पार्टी माओवादीका प्रवक्ता खड्गबहादुर विश्वकर्मा (प्रकाण्ड) ले जेनजी विद्रोहलाई साम्राज्यवादीहरुले दुरुपयोग गरिरहेको बताएका छन् । बिहीबार काठमाडौंमा आयोजित वैचारिक राजनीति प्रशिक्षण कार्यक्रममा बोल्दै उनले जेनजी विद्रोहपछि खतरनाक ढंगले साम्राज्यवादीहरुले त्यसलाई दुरुपयोग गर्ने कुचेष्टाका साथ राष्ट्रियतामाथि गम्भीर हस्तक्षेप गरिरहेको बताएका हुन् ।त्यस्तै उनले आन्दोलन जेनजीले गरेकोभएतापनि शासन अमेरिकी साम्राज्यवादका तत्वहरुले गरिरहेको आरोप लगाए ।
उनले भने,‘जेनजी विद्रोहपछि खतरनाक ढंगले साम्राज्यवादीहरुले त्यसलाई दुरुपयोग गर्ने कुचेष्टाकासाथ राष्ट्रियतामाथि गम्भीर हस्तक्षेप गरिरहेको छन् । र खतरापनि भइरहेको छ । आन्दोलन जेनजीले गरे, शासन अमेरिकी साम्राज्यवादका तत्वहरुले गरिरहेको छन् ।’त्यस्तै उनले वर्तमान सरकारलाई कठपुतली सरकारको संज्ञा दिए । जनताको अगाडिका समस्याको समाधान गम्भीरताकासाथ सोच्नको सट्टा मालिकको आदेशमा काम गर्ने उदण्ड भइरहेको उनको भनाई छ । जेनजी आन्दोलापछि देश झन संकटग्रस्त र अन्योलग्रस्त अवस्तामा रहेको बताउँदै उनले यस्तो अवस्थामा झन विदेशीहरुको ठूलो षड्यन्त्र चलिरहेकोमा चिन्ता व्यक्त गरे ।
‘नेपाली जनताको अधिकारका दृष्टिले हेर्ने हो भने अहिले कठपुतली सरकार छ । जनताको अगाडिका समस्याको समाधान गम्भीरताकासाथ सोच्नु छैन् । मालिकको आदेशमा काम गर्ने उदण्ड भइरहेको छ । जेनजी आन्दोलापछि देश झन संकटग्रस्त र अन्योलग्रस्त छ । यो अवस्थामा विदेशीहरुको ठूलो षड्यन्त्र चलिरहेको छ ।’उनले भने
