विराटनगर । विराटनगर ९ पञ्चाली चोकमा रहेको स्पार्क नेचुरोपेथी एण्ड फिजियोथेरापी हस्पिटल चौथो बर्षमा प्रवेश गरेको छ । हस्पिटलले सोमबार पत्रकार सम्मेलन गर्दै चौथो बार्षिक उत्सवको अवसरमा निःशुल्क स्वास्थ्य शिविर आयोजना गर्ने जनाएको हो ।
विगतका बर्ष झै यसपटक पनि निःशुल्क स्वास्थ्य शिविर आयोजना गरिने स्पार्क नेचुरोपेथी एण्ड फिजियोथेरापी हस्पिटलका अध्यक्ष रुपेश अधिकारीले जानकारी दिए । विराटनगरमा रहेको विराट सांग्रिला स्पोर्टिङ क्लब र स्पार्क हस्पिटलको संयुक्त आयोजनामा पुष ९ र १० गते हस्पिटल परिसरमा निःशुल्क स्वास्थ शिविर गर्ने अध्यक्ष अधिकारीले बताए ।
स्वास्थ्य शिविरमा काठमाडौंका विशेषज्ञ चिकित्सकद्धारा कम्मर दुख्ने , गर्दन दुख्ने , घुँडा दुख्ने , नसा च्यापिएको , हड्डी खिइएको, वाथ रोग, युरिक एसिड बढी भएको, प्यारालाईसिस (लकवा) भएको र अन्य हाडजोर्नी जस्ता रोगको निःशुल्क जाँच गराईने हस्पिटलले जनाएको छ । हस्पिटलले स्वास्थ्य शिविरसंगै खुल्ला रक्तदान समेत गर्ने भएको छ ।
