विराटनगर । विराटनगरमा शनिवार अन्य दिनको भन्दा सवारी साधनको चेकजाँचमा कडाई गरेको देखियो । शनिवार सरकारी कार्यालयहरुका सवारी साधन जिल्ला ट्राफिक प्रहरी कार्यालयल मोरङले बिनापास संचालनमागरेको पाईएपछि नियन्त्रणमा लिएको छ । होल्डमा राखिएका सवारी साधनहरुलाई शनिबारका दिन सरकारी सवारी साधन संचालन गर्ने अनुमती पास ल्याए पश्चात मात्र छाडिएको थियो ।
कोशी लोकमार्ग अन्तरगत बिराटनगर ४ दुधफारम अगाडी तिब्रगतीमा चलाउने सवारीलाई पनि राडरगनको प्रयोग गरि कारबाही गरिएको जिल्ला ट्राफिक प्रहरी कार्यालय मोरङले जनाएको छ ।
जिल्ला ट्राफिक प्रहरी कार्यालय मोरङका प्रहरी निरीक्षक राकेश कुमार पोद्दारले तिब्रगतीमा चलाउने सवारी साधनहरुलाई गति नाप्ने राडरगनको प्रयोग गरेर अत्याधिक गतिमा सवारी चलाउनेलाई कार्वाही गरेको बताए । यो क्षेत्रमा बढी दुर्घट्ना हुने गरेको कारण चेकिङमा कडाई गरिएकोले पोद्दारले जानकारी दिए । दिउसो तिन घण्टको चेकिङमा ट्राफिक नियम उल्लघन गर्ने विभिन्न सवारी साधनहरुबाटद ४० हजार राजश्व संकलन भएको जिल्ला ट्राफिक प्रहरीले जनाएको छ।
