विराटनगर । बुद्ध एयरले काठमाडौंबाट विराटनगरको रात्रिकालिन उडानलाई पुनः सञ्चालनमा ल्याएको छ । यसअघि मौसम तथा भिजिविलटीका कारण उडान स्थगित गरेको थियो ।
माघ १८ माघ गते शनिवारदेखि काठमाडौंबाट विराटनगरको उडान साँझ ६ बजे र विराटनगरबाट काठमाडौंको पहिलो उडान बिहान ७ बजेर ३५ मिनेटमा गर्न लागेको छ ।
यो उडानबाट काठमाडौं चाँडै आउने तथा काठमाडौंबाट सबै कामकाज सकेर विराटनगर फर्किने यात्रुहरुलाई फाइदा पुग्ने कम्पनीले जारी गरेको विज्ञप्तिमा जनाईएको छ ।
साथै बिराटनगरबाट पोखराको उडान पनि शुरु गर्ने तयारी गरेको छ । फेबु्रअरी ३ तारिखदेखि पोखराबाट बिराटनगर, भैरहवा र सिमरा समेतको उडानको तयारी बुद्धएयरले गरेको छ । बुद्ध एयर बिराटनगरका स्टेशन म्यानेजर कौशल भण्डारीले बिराटनगरबा पोखरा उडानको लागि यात्रुको ब्यापक माग आएपछि उडान शुरु हुन लागेको बताउनुभयो ।
